Кетаман! “Реал”да ўйнаб, жаҳон чемпионатига бориб бўлмас экан

Мадриднинг “Реал” клуби ярим ҳимоячиси Эдуарду Камавинга Франция терма жамоасининг 2026 йилги жаҳон чемпионати учун таркибига киритилмаганидан қаттиқ хафа бўлган.

Бу ҳолат 23 ёшли футболчининг “Қироллик клуби”дан ташқарида янги чақириқлар кераклиги ҳақидаги ишончини янада кучайтирди.

Бу ҳақда TEAMtalk хабар берди.

Манба маълумотига кўра, Камавинганинг атрофидаги инсонлар трансфер бозорини фаол ўрганмоқда ва клублар билан музокара олиб бормоқда.

Таъкидланишича, ўтган ҳафта “Манчестер Юнайтед” ва “Ливерпуль” француз футболчисининг вазияти бўйича маълумот сўраган, чунки ҳар икки клуб ҳам уни узоқ вақтдан бери кузатиб келмоқда.

“Реал” ҳам ўйинида пасайиш кузатилаётган Эдуардо Камавингани сотишга тайёр ва унинг трансферини 57,5 миллион еврога баҳоламоқда.

Жорий мавсумда Камавинга барча мусобақаларда 42 та ўйинда қатнашиб, икки гол ва бир голли узатма муаллифи бўлди. Футболчининг клуб билан амалдаги шартномаси 2029 йил ёзигача мўлжалланган.

Transfermarkt портали маълумотига кўра, унинг бозор қиймати 50 миллион еврони ташкил қилади.