Кевин де Брюйне ўрнини ундан зўри эгаллайди

“Манчестер Сити” бош мураббийи Хосеп Гвардиола жамоасидаги плеймейкер ролини “Бавария” вакили Жамол Мусиала бажаришини истаяпти.

Аслида “шаҳарликлар” жамоасида ҳужумларни ташкил қилиш билан бир неча йилдан бери Кевин де Брюйне шуғулланади. Бельгиялик ярим ҳимоячи кейинги пайтда кўп шикастланаётгани ва охирги жароҳати жиддийлиги боис келажакда юқори спорт формасига чиқиши қийин бўлишини инобатга олиб, манчестерликлар Кевиндан воз кечишга тайёр.

Хосеп Гвардиола эса, Мусиала бир-икки йил ичида дунёнинг энг зўр плеймейкерларидан бирига айланишига жиддий ишоняпти ва уни Манчестерга олиб келмоқчи.

Жамол Мусиаланинг мюнхенликлар билан шартномаси 2026 йилнинг ярмигача давом этади. Бу футболчи 110 миллион еврога баҳоланмоқда.

32 ёшли Кевин де Брюйнега Криштиану Роналду ўйнаётган “Ан-Наср” жиддий қизиқиш билдиряпти.