Кевин де Брюйне январда кутилмаган жамоага ўтмоқчи

“Манчестер Сити” плеймейкери Кевин де Брёйне фаолиятини Туркия Суперлигасида давом эттириш имконига эга бўлди.

Жозе Моуриньо тажрибали ярим ҳимоячини “Фенербаҳче”да кўрмоқчи.

Fanatik нашрининг ёзишича, турклар бельгиялик футболчи қишки трансферлар даврида қўлга киритишга ҳаракат қилиб кўради. Бунинг учун “Фенербаҳче” 35 миллион еврога баҳоланаётган трансферга харажат қилишига тўғри келади.

Кевин де Брюйнега АҚШ ва Саудия Арабистонидан ҳам таклифлар бор. Ўйинчининг ўзи АҚШ чемпионатига кўчиб ўтишга мойиллик билдирган.

33 ёшли чарм тўп устаси ўзи учун  жорий мавсум “Манчестер Сити”даги охиргиси эканини яхши билади. Унинг амалдаги шартномаси 2025 йилнинг 30 июнь куни якунланади.