Кейн Беллингем ва Тухел ўртасидаги келишмовчиликлар ҳақида гапирди

Англия терма жамоаси ҳужумчиси Харри Кейн Норвегияга қарши 1/4 финал учрашувидан кейин бош мураббий Томас Тухел ва жамоа етакчиларидан бири Жуд Беллингемнинг баёнотларига муносабат билдирди. 

«Жуд бундай пайтда нима дей олади? Сен катта ўйин ўтказгансан, финал свистидан беш дақиқа ўтиб-ўтмай сендан савол сўрашади, лекин мураббий аслида нима деганини ҳам ҳали билмайсан... Аслида вазият бутунлай аксинча. Бизнинг жамоа шу даражага етиб келган бўлса, бу аввало бирдамлигимиз туфайли – фақат футболчилар эмас, мураббий, бутун штаб ва барча ходимлар бир бутун жамоа бўлгани учун», – деб таъкидлади Кейн.

Эслатиб ўтамиз, Англия қўшимча дақиқаларда 2:1 ҳисобида ғалаба қозонган эди. Тухел ўйиндан сўнгги интервьюсида шогирдларининг ҳаракатларидан тўлиқ қониқмаганини айтган, Беллингем эса бу фикрга очиқчасига қўшилмаган эди.

Жаҳон чемпионати ярим финалида Англия эндиликда Аргентинага қарши майдонга тушади. Учрашув чоршанба, 15 июль куни бўлиб ўтади.