Кейн Конте ҳақида зўр гап айтди

"Тоттенхэм" ҳужумчиси Харри Кейн италиялик мутахассис Антонио Конте қўл остида қандай ҳаракат қилаётгани ҳақида гапирди.

"Конте - фантастик мураббий", - деди Кейн Evening Standard нашрига берган интервьюсида.

Англиялик футболчи "Тоттенхэм"да ўзини ажойиб ҳис қилишини ва Конте билан ишлаш унинг ўйинига янги кучлар олиб келганини сезганини таъкидлади.

Унинг сўзларига кўра, "шпорлар" жорий мавсум якунига қадар Чемпионлар лигаси зонасига чиқиш учун курашишга аҳд қилган.

Айни дамда “Тоттенхэм” АПЛ турнир жадвалида 7-ўринда бормоқда. Уларни 4-ўринда бораётган “Арсенал”дан бор йўғи 3 очко ажратиб турибди.