Кейн: “Мюллер кетгач, лидерлик масъулияти бошқа футболчилар орасида тақсимланди”

“Бавария”да ёзда катта йўқотиш юз берди — жамоа афсонаси ва асосий лидерларидан бири Томас Мюллер эркин агент сифатида “Ванкувер”га йўл олди. Унинг кетиши жамоадаги лидерлик масаласига ҳам таъсир қилди. Ушбу ҳолатга эса англиялик форвард ҳисобланган Харри Кейн ўз муносабатини билдирди.

“Эндиликда лидерлик бир нечта футболчилар зиммасига тушди. Томас доим овозли етакчи эди, лекин ҳозир бизда Жошуа Киммих, Мануэль Нойер, мен, Серж Гнабри ва яна бошқа йигитлар бор.

Мюллер каби лидер кетганда, бошқаларга масъулият кўпроқ тушади, айрим вазиятларда аввалгидан кўра, баландроқ овоз чиқаришга тўғри келади. Шу боис, ҳозир жамоада лидерлик тенг тақсимланган.

Бироқ, биз кучли коллективмиз. Бу мавсум бошидаёқ жамоада бирдамлик кайфияти юқори экани сезиляпти”, – деди “Бавария” ҳужумчиси Харри Кейн "Bild" нашрига берган интервьюсида.