Кичик Рўзибоев Қирғизистонда жанг қилади

21 март куни Қирғизистоннинг Ош вилояти Қорасув шаҳрида WEF промоушенининг навбатдаги турнири ташкил этилади.

Мазкур жанг кечасида бир қатор ўзбекистонлик ММА вакиллари ўз жангларини ўтказади. Жумладан, Нурсултон Рўзибоевнинг укаси Машрабжон Рўзибоев ҳам октагонга кўтарилади. У мезбонлар вакили анчагина маҳоратли бўлган, Санжар Ажибаев билан тўқнаш келади.

Маълумот учун, Машрабжон фаолияти мобайнида 13 та жанг ва 11 та ғалабага эришган. Мазкур жангда ҳамюртимизга омад ёр бўлишини тилаб қоламиз!