Киммих учун курашга Италиянинг гранд клуби ҳам қўшилди

"Интер" Жошуа Киммих трансфери учун курашга қўшилди,деб хабар бермоқда "Teamtalk" нашри. 
 
"Интер" "Бавария" ярим ҳимоячиси Жошуа Киммихни қўлга киритиш учун "Ливерпуль" билан жиддий рақобатга киришмоқда. Германиялик футболчининг Мюнхендаги келажаги мавҳум бўлиб, у ҳали янги шартнома имзоламаган ва бошқа мамлакат клублари билан музокара ўтказиши мумкин. 
 
30 ёшли футболчига қизиқаётган жамоалар кўп. "Интер" эса унга тўрт йиллик шартнома таклиф қилишни муҳокама қилмоқда. Клуб раҳбарлари Жошуага йилига 6 миллион евро (ҳафтасига тахминан 95 минг фунт) маош беришга тайёр. 
 
"Бавария" спорт директори Макс Эберл футболчининг жамоадаги келажаги ноаниқ эканини билдирган. Шу сабабдан, Киммих ўзини жамоада муҳим ўйинчи сифатида ҳис қилмаяпти. 
 
Мадриднинг "Реал" клуби, "Манчестер Сити" ва ПСЖ ҳам унинг ҳолатини кузатиб бормоқда. Бироқ, барча клублар ҳозирча аниқ ҳаракат қилмаган. "Нераззурилар" эса трансферни рақобат кучайгунча ҳал қилишга интилмоқда. 
 
Маълумот ўрнида, германиялик ҳимоячи жорий мавсум 36 та беллашувда иштирок этиб, 1 та гол ва 10 та голли узатмага муаллифлик қилган. Унинг клуб билан амалдаги шартномаси 2025 йилнинг ёзигача мўлжалланган бўлиб, Тransfermarkt порталидаги нархи 50 миллион евро деб баҳоланмоқда.