КЖЧ. Турнирнинг илк беллашувида ҳисоб очилмади

Хабарингиз бор, бугундан бошлаб Клублар ўртасидаги Жаҳон чемпионатининг янги форматидаги турнир старт олди. 
 
"Интер Майами" ва "Ал-Аҳли" клублари иштирокидаги беллашув турнирни очиб берди. Ушбу тўқнашувда стадионга ташриф буюрган 61 мингга яқин мухлислар эса гол кўришга муваффақ бўлишмади (0:0). 
 
Шу сабаб, икки жамоа ҳам бир очкодан бўлишиб олиб, гуруҳда етакчи бўлиб турибди. 
 
Эслатиб ўтамиз, мусобақанинг иккинчи учрашуви эса бугун Тошкент вақти билан 21:00 да старт олади. Ушбу ўйинда "Бавария" чемпионатдаги ўз юришларини "Аукланд Сити"га қарши бошлайди.