Класико ҳазили: Мбаппе "Барселона" ўйинчилари билан кайфиятни кўтариб олди

Ла Лиганинг 35-туридаги "Эл-класико"нинг 42-дақиқасида Килиан Мбаппе марказдаги воқеага айланди. "Реал" ҳужумчиси "Барселона" жарима майдонида ерга йиқилди — Френки де Йонг ундан тўпни тортиб олишга ҳаракат қилган, бироқ контакт бўлмаган. Француз ўзини йўқотиб қўйган, холос.

Ҳакам Алехандро Эрнандес Эрнандес дастлаб пенальти тайинлади, лекин VAR орқали кўриб чиққач, қарорини ўзгартирди. Чунки ҳужум вақтида "Реал" ярим ҳимоячиси Жуд Беллингем офсайд ҳолатида бўлган.

Ҳакамлар вазиятни текшираётган пайтда, Мбаппе рақиб ўйинчилари билан ҳазиллашишга улгурди. "OK Diario"нинг ёзишича, Иниго Мартинес уни симуляцияда айблаб, тушунтириш сўраган. Шунда Килиан шундай деб жавоб берди:

"Қара, мен оқ формадаман, сариқ эмас".

Бу гапга Иниго қуйидагича реакция билдирди:

"Лекин сариқ оласан, -а-а" — дея жавоб берган испаниялик ҳимоячи.

Кўриниб турибдики, Класико нафақат кураш, балки ҳазил-мутойиба саҳнасига ҳам айланмоқда.