Клопп АПЛнинг ўтган мавсумдаги энг яхши мураббийи деб топилди

"Ливерпуль" бош мураббийи Юрген Клопп Англия премьер-лигасининг ўтган 2019/20 йилги мавсумдаги энг яхши мураббийи деб топилди.

Германиялик мутахассис бу борада ўтказилган сўровномада Фрэнк Лэмпард ("Челси"), Брендан Рожерс ("Лестер") ва Крис Уайлдерни ("Шеффилд Юнайтед") ортда қолдиришга эришди.

Клопп бошчилигида “Ливерпуль” 30 йиллик танаффусдан сўнг, яна Англия чемпионлигини тантана қилди. Улар энг яқин таъқибчиси ҳисобланган "Манчестер Сити"ни 18 очкога ортда қолдирди.