Клопп "Челси" футболчисини "Ливерпуль"да кўрмоқчи

“Челси” ярим ҳимоячиси Мэйсон Маунтнинг жамоадаги келажаги мавҳум бўлиб қолмоқда. 24 ёшли футболчининг "аристократлар" билан шартномаси 2024 йилнинг ўрталарига қадар тузилган ва агар томонлар яқин орада шартномани узайтириш борасида келишмаса, клуб катта эҳтимол билан ёзда уни сотиб юбориши мумкин.

Маунтни қўлга киритиш учун биринчи рақамли даъвогар бу "Ливерпуль" ҳисобланади. Football Insider нашри хабарига кўра, мерсисайдликлар аллақачон Мэйсон учун шартнома тайёрлаб қўйган ва у клуб раҳбарлари томонидан маъқулланган. Қайд этилишича, жамоа бош мураббийи Юрген Клопп ушбу англиялик футболчини таркибда кўришни жуда хоҳлайди.

Қўшимча қиламизки, Майнт "Челси" тарбияланувчиси ҳисобланади. У шу пайтгача асосий жамоа таркибида 195 та ўйин ўтказиб, 33 та гол урган ва 37 та голга ассистентлик қилган. Трансфермаркт портали футболчини 65 миллион еврога баҳоламоқда.

Фикрлар

Фикр қолдириш учун авторизациядан ўтинг!