Клопп “Челси” кўзлаган юлдузни тортиб оляпти

“Челси” бош мураббийи Маурисио Почеттино клуб раҳбариятидан “Брайтон” етакчиси Мойзес Кайседони олиб келишни талаб қилаётган эди.

Бироқ, “Ливерпуль” эквадорлик ярим ҳимоячисини Лондонга кетиб қолишига йўл қўймайдиган бўлди.

The Telegraph нашри журналисти Мэтт Лоунингт ёзишича, мерсисайдиклар Кайседо трансери бўйича “Брайтон”га манфаатлироқ шартнома таклиф қилди.

Бошқа маълумотларга қараганда, 21 ёшли футболчининг ўзи “Челси”га ўтишни орзу қилмоқда.

Кайседо ўтган мавсумда барча турнирларда 43 маротаба майдонга тушиб, биттадан гол ва ассист қайд этган.