Клопп Гакпонинг ёшига шубҳа билан қарамоқда!

"Ливерпуль" бош мураббийи Юрген Клопп шогирди Коди Гакпони мақтаб ўтди. Унинг айтишича, Коди жуда ақлли инсон.

“У супер футболчи ва ақлли йигит. Кодининг ўйинини кўриб, уни умуман 24 ёшли йигит, деб ўйламайсиз.

У аввалги клубида сардор эди ва бу бекорга эмас. Гакпо том маънода футбол билан озиқланади. У илгари ўйнамаган позицияда ўйнай олади”, - деди “Ливерпуль” бош мураббийи Юрген Клопп.

"Ливерпуль" нидерландиялик вингерни "ЖЧ-2022"дан кейин Эйндховеннинг ПСВ клубидан 37 миллион фунтга сотиб олган эди. Коди "Манчестер Юнайтед"га қарши ўйинда 2 та гол урганди. Шунингдек, у АПЛдаги 19 ўйинда 6 гол ва 3 та голли узатмани амалга оширган.