Клопп "Ливерпуль"нинг ҳозирги ҳолати ҳақида: Шундай бўлишини билардим

"Ливерпуль" бош мураббийи Юрген Клопп жамоанинг жорий мавсумдаги муаммолари ҳақида гапирди.

Клопп бошқарувидаги “Ливерпуль” ҳозир ўзининг энг яхши натижаларидан анча йироқ. Мерсисайдликлар энди рақиблари учун аввалгидек қўрқинчли эмас. Жамоа АПЛ турнир жадвалида 9-ўринда бормоқда.

“Биз ўтиш даврини бошдан кечирмоқдамиз ва ўтган йили клуб билан янги шартнома имзолаганимда, олдинда катта қийинчиликлар борлигини билардим. Шубҳасиз, қайта қуриш бир кунда амалга ошмайди. Яна бир муаммо - бу ҳаётни жароҳатлар.

Ҳа, кўпчиликни фақат қисқа муддатли натижа қизиқтиради, лекин биз узоқ муддатли истиқбол ҳақида ўйлашимиз керак”, - деди немис мутахассиси Football People нашрига берган интервюсида.