Клопп “Ливерпуль”нинг трансфер режасини ошкор қилди

“Ливерпуль” бош мураббийи Юрген Клопп жамоада юзага келган вазиятдан келиб чиқиб, қишки трансферлар вақтида нималарни режалаштиргани ҳақида маълумот берди.

- Ҳали қишки трансферлар вақтида нималар қилишимиз ҳақида аниқ тасаввурга эга эмасман. Аниғи шуки, биз мудофаадаги тешикларни ёпиш учун ўзимизга мос ҳимоячи олишимиз керак. Бироқ, мен қаттиқ истаганим билан раҳбарияти бирорта трансферни амалга оширмаслиги ҳам мумкин. Агар шундай бўлиб чиқаса, ички имкониятдан келиб чиқиб, бор ўйинчилар билан кифояланамиз. Мен уларга имконият беришдан хурсанд бўламан, - деди Клопп.

Жорий мавсумда “Ливерпуль”нинг асосий ҳимоячиларининг аксарияти жароҳат туфайли узоқ муддатга сафдан чиқди. Айни шу сабаб туфайли асосий таркибнинг муқим ўйинчилари бўлган Виржил ван Дейк, Жо Гомес ва Трент Александер-Арнольд жамоага ёрдам бера олмайди.

Матнда хатолик топсангиз, ўша хатони белгилаб, бизга жўнатинг (Ctrl + Enter)