Клопп Мбаппени орзу қилмаяти

"Ливерпуль" бош мураббийи Юрген Клопп "Пари Сен-Жермен" ҳужумчиси Килиан Мбаппенинг трансфери ҳақидаги гап-сўзларга тўхталиб ўтди.

"Трансфер масаласига изоҳ бера олмайман, чунки фикримни нотўғри талқин қилишлари мумкин.

Килианни олдинда катта келажак кутиб турибди, Санчо ҳақида ҳам илиқ гапларни айта оламан, у нимага қодир эканлигини барчага намойиш этишда давом этяпти. Аммо ҳеч қачон бошқа клуб футболчилари ҳақида орзу қилмайман, мен ўзимда боридан фойдаланаман.

Келажакда Мбаппени клубга олиб келиш эҳтимоли бўлса, унда бу мавзуни сизлар билан муҳокама қилишим мумкин", - дейди Клопп.