Клопп “Реал” юлдузини олиб келади

“Ливерпуль” бош мураббийи Юрген Клопп ўз жамоасига “Реал” ярим ҳимоячиси Тони Кроосни олиб келишни режалаштирмоқда.

Fichajes нашри, 32 ёшли германиялик ўйинчига Клоппнинг шахсан ўзи қизиқиш билдираётганини таъкидламоқда. Ливерпулликлар айни пайтда майдон марказига янги ўйинчилар қидирмоқда.

Клоппнинг рўйхатидан Тони Кроосдан ташқари “Барселона” ярим ҳимоячиси Френки де Йонг ва “Атлетико” вакили Маркос Льоренте ҳам ўрин олган.

Кросснинг мадридликлар билан шартномаси якунланишига бир йил қолди. Transfermarkt портали немис футболчисини 20 миллион еврога баҳолади.