Клопп ёзда мураббийликни бошлайди. Суперклуб билан шартнома имзоланган!

Франциялик журналист Франсуа Галлардо ижтимоий тармоқларда Юрген Клопп келаси ёздан бошлаб Мадриднинг “Реал” клубида бош мураббий сифатида иш бошлашини  маълум қилди.

Манба маълумотига кўра, қарор декабрь ойидаёқ қабул қилинган ва шартнома аллақачон имзоланган.

Бунда жамоанинг ҳозирги мураббийи Альваро Арбелоа қандайдир соврин ютса-ютмаса, аҳамиятга эга эмас.

Аввалроқ матбуотда Мадрид клубининг немис мутахассисига қизиқиши ҳақида хабарлар чиққан эди. Шунингдек, Клоппнинг келажаги Мадриднинг “Атлетико” клуби билан ҳам боғланган эди.

Немис мураббий “Ливерпуль”дан кетганидан кейин мураббийлик фаолиятини тўхтатган эди. Юрген Клопп “Ливерпуль”да тўққиз йил ишлаган.