Клопп "Зенит"га кетган Ловрен ўрнига "Челси" ҳимоячисини олиб келмоқчи

“Ливерпуль” клуби бош мураббийи Юрген Клопп “Зенит”га ўтиб кетган ҳимоячи Деян Ловрен ўрнига муносиб футболчи қидирмоқда.

Daily Star нашрининг хабар беришича, германиялик мутахассис “Энфилд”да “Челси” ҳимоячиси Антонио Рюдигерни кўрмоқчи.

27 ёшли германиялик футболчи “аристократлар” сафига 2017 йил “Рома”дан кўчиб ўтган эди. Унинг клуб билан амалдаги шартномаси 2022 йилга қадар имзоланган. Transfermarkt сайти талқинига кўра Рюдигернинг нархи 40 млн еврога баҳоланмоқда.