Клоппга қандай футболчи керак? Лэмпард, Гвардиола, Моуриньогачи? АПЛ грандлари қайси футболчиларга кўз тиккан?

Англия Премьер-лигасида темп жуда баланд бўлгани учун клублар ўз таркибларини доимо жанговар ҳолатда бўлишини таъминлашга ҳаракат қилади. Январь ойидаги трансфер ойнаси эса, бунинг учун ажойиб имконият. Хўш, гранд жамоаларнинг январь ойи учун режалари қандай? Бугун шу саволга жавоб излашга уриниб кўрамиз.

"Ливерпуль"

Pep121212

Мерсисайдликлар учун қишки трансфер ойнаси марказий ҳимоячи топиш учун энг қулай имконият. Юрген Клопп клуб ғазнасини бўшатиб қўймаган ҳолда, Жо Гомес ва Виржил Ван Дейкнинг ўрнини тўлдиришга қодир ижрочи топиши лозим. Эътиборлиси шундаки, "Ливерпуль" бирорта топ-клубдаги ҳимоячи билан қизиққани йўқ. Катта эҳтимол билан, Клопп ўз ғояларини тарғиб қилишга қодир ҳимоячи изламоқда.

Ҳозирча, Филлипс, Уильямс, Матип ва Фабиньо марказдаги бўшлиқни тўлдиришга ҳаракат қилмоқда. Катта эҳтимол билан, Клопп мавсум ўртасида ҳимояни эмас, марказни кучайтирмоқчи. Шу боис, "Шальке" аъзоси Озан Кабак билан музокаралар олиб борилмоқда. Ҳозирча, "Ливерпуль" АПЛ грандлари орасида трансфер бозоридаги энг камтаринлардан бири бўлиб турибди.

"Манчестер Сити"

PEP121212332

Январь ойида "Сити" ҳеч қандай катта трансферни амалга оширмаслиги аниқ бўлиб улгурди. Пеп чап қанот ҳимоячиси изламоқда. У ўз арсеналидаги ижрочилардан кўпроғини талаб қиладиганлар туридан. Тан олиш лозим, Гвардиоланинг ўйин схемасида қанот ҳимоячилари тутган ўрин беқиёс. Улар жамоанинг ҳужум темпини белгилаб бериши талаб этилади. Бунга масъул бўлган Менди стабил эмас. Зинченко эса, ўйин амалиётисиз қолиб кетмоқда. Шу боис, украиналик футболчи кетиш ҳақида ўйлаяпти. Гвардиола 90 дақиқа катта куч билан тўп суришга қодир чаққон қанот ҳимоячисига муҳтож. Шунингдек, марказий ҳужумдаги муаммо ҳам алоҳида мавзу. Агуэронинг ёши ўтиб қолгани боис, клуб сифатли форвард излашни бошлаб юборган. Биргина Жезус билан ЕЧЛда ғалаба қозониб бўлмаслигини барча сезиб турибди.

"Манчестер Юнайтед"

Sulsher

"Қизил иблислар" трансфер бозори очилиши билан "Аталанта" аъзоси Амад Траорени расман таништирди. Аслида, бундан 3 ой аввал харид қилинган 18 ёшли ҳужумчи учун Сульшер барча имкониятларни тақдим этиши аниқ. Оне-Гуннар бунга ваъда ҳам берди.

Айни дамда, манкунияликларнинг энг заиф нуқтаси сифатида ҳимоя чизиғини кўрсатишимиз мумкин. Шунингдек, қанот ярим ҳимоячилари борасида ҳам янги кадрлар зиён қилмайди. Клуб 6 ойдан бери Жейдон Санчо трансферини амалга ошириш илинжида. Шунингдек, "РБ Лейпциг" аъзоси Дайо Упамекано ҳам режага киритилган. Клубда чиқиш эшиклари кўрсатиб юборилиши лозим бўлган бир нечта футболчи бор. Улар қишки трансферлар чоғида жамоасини ўзгартириши мумкин. Фил Жонс, Серхио Ромеро, Маркос Рохо, Жесси Лингард, Жеймс сингари футболчилар ўзи учун янги клуб излашга тушиб кетган.

"Челси"

PEP121221222

"Аристократлар" ёзда таркибни кучайтириш мақсадида 250 миллион евро сарфлаб юборишди. Бу пуллар эса, кейинроқ натижа берадигандек ҳис уйғотмоқда. Келажаги порлоқ бир нечта футболчини таркибга қўшиб олганига қарамай, Лэмпард "Вест Хэм" аъзоси Деклан Райсга кўз тикмоқда.

Боз устига, яқин кунлар ичида "Челси"да мураббий алмашиши мумкин. Инглиз нашрлари "кўклар"га Шевченконинг қайтишини тахмин қилмоқда. Унинг келиши эса, январь ойида бирор бир трансфернинг амалга ошиши эҳтимолини оширади. Ҳозирча, "Челси"нинг трансфер ойнаси учун вақт ва маблағ ажратиш учун имкони йўқ. Уларнинг бошқа муаммолари кўп.

"Тоттенхэм"

Pep12122221

"Шпорлар" катта эҳтимол билан қишки трансфер ойнасидаги энг катта воқеага асос солишга яқин турибди. Жозе Моуриньо Деле Алли билан чиқиша олмади. 24 ёшли ярим ҳимоячи эса, кетишга қарор қилди. Айниқса, Почеттинонинг ПСЖга келиши, Аллининг кетиши ҳақидаги миш-мишларнинг урчиб кетишига сабаб бўлди. "РБ Лейпциг" қишда Марсель Забитцерни сотмайдиган бўлди. Энди клубда Сами Хедира варианти қолмоқда. Тажрибали футболчи "Ювентус" билан кетиш борасида келишувга эришган. У Англияга ташриф буюрди ва бир нечта клублар базасида бўлди. Катта эҳтимол билан, айнан Хедира "Тоттенхэм" учун январь ойидаги ягона трансфер бўлиб қолади.

"Арсенал"

Pep1212121212

Бундан бир ҳафта илгари, Артетанинг кетиши ҳақида гап-сўзлар пайдо бўлган эди. Лондон клуби кетма-кет учта ўйинда ғалаба қозонгач, бу гап кўпчиликнинг ёдидан кўтарилиб кетди. Клуб ёзда жамоани кучайтириш мақсадида амалга оширган трансферлар омадсизликка учради. Мавсумни қутқариб қолиш учун эса, қўшимча кучлар лозим.

Артетанинг нишонида Кристиан Эриксен ва Уссем Ауар мавжуд. Месут Ўзилни қайта ишга туширишга уринган мураббий вақтдан ютқазиб қўйди. Энди, у марказни тўлиқ ўз қўлига олишга қодир ижрочи изламоқда. Шу боис, январь ойида "Норвич" аъзоси Эми Буэндиа "тўпчилар" билан шартнома имзоласа ҳайрон бўлманг! Месут ҳозирда ижтимоий тармоқларда фаоллиги билан ажралиб турибди, холос. Унинг қишда жамоасини ўзгартириши "Арсенал" учун катта ютуқ бўлар эди, аммо буни Месут истамайди. Ҳафтасига 350 минг фунт маош олаётган футболчи ёзгача Лондонда қолмоқчи.

Матнда хатолик топсангиз, ўша хатони белгилаб, бизга жўнатинг (Ctrl + Enter)