Кобби Майнунинг келажаги яқин кунларда аниқ бўлади

"Daily Mail" нашрининг хабарига кўра, "Манчестер Юнайтед" яқин 48 соат ичида ярим ҳимоячи Кобби Майну борасида қарор қабул қилади.

20 ёшли футболчи жамоадаги ўйин амалиётидан норози ва Чемпионлар лигасида иштирок этадиган клубга ўтишга тайёр. Шу билан бирга, унинг шартномасини узайтириш бўйича музокараларда силжиш йўқлиги вазиятни янада мураккаблаштирмоқда.

Майнуга 10 та клуб қизиқиш билдирган, уларнинг айримлари аллақачон МЮ билан боғланган. Манкунианликлар эса қарорида икки йўлни кўриб чиқмоқда: футболчини ижарага бериш ёки сотиш.