Мюнхеннинг "Бавария" клуби ҳужумкор ярим ҳимоячиси Кингсли Коман жамоасини ўзгартириши мумкин.

BILD нашри тарқатган хабарга қараганда, франциялик футболчи ўзини янада кўпроқ қадрлашларини хоҳлайди. У "Бавария" билан янги шартнома имзолашга тайёр, фақатгина маоши оширилган тақдирда.

Юқоридаги манбага кўра, немис гранди Команни эркин агент сифатида текинга қўйиб юбормаслик учун келаси ёз сотиб юборишни режалаштирмоқда. Команнинг “Бавария” билан амалдаги шартномаси 2023 йилнинг ёзигача имзоланган.