Koman "Bavariya"dan ketadimi?

Myunxenning "Bavariya" klubi hujumkor yarim himoyachisi Kingsli Koman jamoasini o‘zgartirishi mumkin.

BILD nashri tarqatgan xabarga qaraganda, frantsiyalik futbolchi o‘zini yanada ko‘proq qadrlashlarini xohlaydi. U "Bavariya" bilan yangi shartnoma imzolashga tayyor, faqatgina maoshi oshirilgan taqdirda.

Yuqoridagi manbaga ko‘ra, nemis grandi Komanni erkin agent sifatida tekinga qo‘yib yubormaslik uchun kelasi yoz sotib yuborishni rejalashtirmoqda. Komanning “Bavariya” bilan amaldagi shartnomasi 2023 yilning yozigacha imzolangan.