Konor MakGregor qachon oktagonga qaytadi? Menejeri javob berdi

Konor Makgregor qachon oktagonga qaytishi borasida uning menejeri Tim Simpson ma’lumot berdi.

"Konor keyingi yili katta qaytish yo‘lida harakat qilyapti. Hozir hammasi ideal tarzda ketmoqda. Uning oyog‘i asta-sekin tuzalalmoqda. Shubhasiz, Konor faoliyatini tugatgani yo‘q. U har kuni ikki marta mashg‘ulotlar o‘tkazyapti. U butun jamoasi bilan birga va doim oldida murabbiylar - fitnes, sog‘lik, fizioterapiya, boks bilan shug‘ullanadigan yigitlar bor. U juda jiddiy mashqlarni bajaryapti, qattiq ishlamoqda. Konor ajoyib "forma"da. Faqat uning oyog‘i normal holatga qaytishi uchun ba’zi ishlarni qilish kerak".