Конор Макгрегор UFC билан янги шартнома имзолашдан бош тортди

UFC билан октагонга қайтиш бўйича келишувга эришган Конор Макгрегор промоушен билан амалдаги шартномасини узайтиришдан бош тортиб, бир йилдан сўнг эркин агентга айланишини айтган. Бу ҳақда спорт шарҳловчиси Ариэль Хельвани маълум қилди.

"Конорнинг қайтиши UFC ва Paramount учун катта келишув бўлди, аммо Макгрегор шартномани узайтиришни хоҳламади. Ирландияликнинг  мазкур промоушенда иккита жанги қолди. Биринчиси 12 июль, кейингиси эса эҳтимол, 2027 йилнинг биринчи ёки иккинчи чорагида бўлади. Кейинчи? Спорт учун катта пул тўлайдиган стриминг платформалари даврида Конор Макгрегорнинг очиқ бозордаги жангини тасаввур қила оласизми? Сизнингча, Netflix бунинг учун қанча тўлаган бўларди? Жуда кўп. Келаси йилнинг тахминан шу вақтида аниқ суммани билиб оламиз", - деди Хельвани.

Эслатиб ўтамиз, Конор 12 июль куни Лас-Вегасдаги "UFC 329" турнирида америкалик Макс Холлоуэй билан баҳс олиб боради.