Конор Макгрегорми ёки Макс Холлоуэй? Илия Топурия жавоб берди

Енгил вазн тоифасида амалдаги UFC чемпиони Илия Топурия ирландиялик Конор Макгрегор (22-6) ва америкалик Макс Холлоуэй (27-9) ўртасидаги бўлажак жанг учун ўз прогнозларини билдирди.

"Конор узоқ вақт октагонга чиқмагани учун Максдан заифроқ кўриняпти. Бироқ нимадир дейишга ҳали жуда эрта. Ўйлашимча, улар баҳс бошиданоқ иккита кичкина мушукча каби бир-бирига ёпишиб олади. Мушукчалар қандай ўйноқи жанг қилишини биласизми? Октагонда ҳам худди шуни гувоҳи бўласиз. Менимча, Макгрегор ушбу тўқнашувда ғалаба қозонади. Чунки ирланд аввал ҳам бу йигит устидан зафар қучганди", - дея Илиянинг сўзларини келтирди "KirmiziKoseMMA".

Эслатиб ўтамиз, Конор ва Холлоуэй қарама-қаршилиги 12 июль куни "UFC 329" турнирида ўтказилади.