Константин Коротков хотира турнири. Аброржон Қодиров мусобақа ғолиби!

Хабарингиз бор, айни кунларда Россия Федерациясининг Хабаровск шаҳрида бокс бўйича Совет Иттифоқи қаҳрамони Константин Коротков хотирасига бағишланган анъанавий халқаро турнир бўлиб ўтмоқда.

Жаҳоннинг 20 дан ортиқ мамлакатидан 150 нафарга яқин чарм қўлқоп усталари совринли ўринлар учун кураш олиб боришмоқда. Айни дақиқаларда мазкур турнирнинг финал баҳслари бўлиб ўтмоқда.

-52 кг вазн тоифасида юртимиз шарафини ҳимоя қилган Аброржон Қодиров ҳал қилувчи баҳсда япониялик Танака Риомеига қарши рингга кўтарилди ва очколар ҳисоби бўйича рақибини мағлуб этиб, олтин медаль соҳиби бўлди.

Бироздан сўнг эса яна икки боксчимиз: Билолбек Мирзараҳимов (-69 кг) ва Лазиз Муллажонов (91+ кг) иштирокидаги финал жанглари ҳам бошланади.