Конте қачон истеъфога чиқарилиши ва унинг ўрнини ким эгаллаши маълум!

Антонио Конте тез орада "Тоттенхем"ни тарк этади. The Telegraph нашри хабарига кўра, Лондон клуби директорлар кенгаши раиси Даниэль Леви италиялик мутахассисни халқаро танаффус вақтида истеъфога чиқариш ҳақида ўйламоқда. Аммо бу бўйича якуний қарор ҳали қабул қилинмаган.

Левини футболчиларни танқид қилганидан кейин ҳам Конте ўз футболчиларини бўлажак ўйинларга руҳлантира оладими ёки йўқми, деган савол ўйлантирмоқда.

Тахминларга кўра, Конте ишдан бўшатилса, Раян Мэйсон мавсум охиригача "Тоттенхэм" бош мураббийи вазифасини бажарувчи этиб тайинланади.

Эслатиб ўтамиз, "Тоттенхэм" 28 турдан кейин 49 очко билан АПЛда 4-ўринда бормоқда.