Конте "қулаётган" "Бавария"ни асраб қолмоқчи!

Италиялик таниқли мутахассис Антонио Конте фаолиятини Германия Бундеслигасида давом эттирмоқчи. У "Бавария" клубини бошқариш ҳақида бош қотиряпти. 

Маълум бўлишича, Антонио ўзи учун энг идеал жой сифатида Мюнхенни танлаган. У клубни ҳамон Европанинг энг кучли 4 жамоасидан бири, деб ҳисоблайди. 

Аввалроқ, Контенинг "Милан" билан келишиб олгани ҳақида хабарлар тарқалганди. Ҳозирда "қизил машина" бош мураббийи Томас Тухель қониқарсиз натижалар сабаб истеъфога чиқарилиш арафасида.