Konte va Keyn o‘rtasidagi munosabatlar qanday?

Italiyalik jurnalist-insayder Fabritsio Romano "Tottenxem" hujumchisi Xarri Keyn va bosh murabbiy Antonio Konte o‘zaro munosabatlarini tiklaganini aytdi.

"Xarri Keyn va Antonio Konte o‘rtasidagi munosabatlar hozir nisbatan yaxshiroq. Konte jamoani qabul qilganida, u darhol Keynga loyihasining asosiy qismi bo‘lishini aytdi. U dahlsiz futbolchi. Bu klub sport direktori Fabio Paratichi har qanday holatda ham Konteni jamoaga olib kelmoqchi bo‘lganining asosiy sabablaridan biridir”, - deb yozadi italiyalik jurnalist.

"Tottenxem" 16 turdan so‘ng APL musobaqa jadvalida 5-o‘rinda bormoqda. Aytish kerakki, koronavirus sabab "shporlar" ishtirokidagi bir nechta uchrashuvlar qoldirildi.