"Конья-2021". 3 та олтин! Турсуной Жабборова мутлақ чемпион

Бир неча дақиқа олдин Коньяда ўтаётган Ислом бирдамлиги ўйинларининг оғир атлетика баҳсларида вакиламиз Турсуной Жабборова олтин медални нақд қилгани ҳақида хабар бергандик.

Эндигина 20 ёшга қадам қўйган Турсуной Жабборова аёллар ўртасида -87 кг вазн тоифасида кечган баҳсларда мутлақ чемпионликни қўлга киритди. Даст кўтаришда 109 кг, силтаб кўтаришда 126 кг, икки курашда 235 кг натижа кўрсатган Турсуной барча йўналишда олтин медалларни ўзиники қилди.

Офарин, Турсуной!