Конья-2021. Ўзбекистон умумжамоа ҳисобида нечанчи ўринни эгаллади?

Туркиянинг Конья шаҳрида V Ислом бирдамлик ўйинлари ўз ниҳоясига етди. Мусобақанинг якуний натижаларига кўра, Ўзбекистон делегацияси умумжамоа ҳисобида мезбон Туркиядан сўнг 2-ўринни эгаллади.

Мазкур мусобақада спортчиларимиз 51 та олтин, 42 та кумуш, 65 та бронза, жами 158 та медални қўлга киритди.

Эслатиб ўтамиз, бундан аввалроқ Ислом бирдамлик ўйинларида ғолиб ва совриндор бўлган спортчилар ҳамда уларнинг мураббийларини моддий рағбатлантириш тўғрисиди Президент қарори эълон қилинган эди.