Коронавирус - спортчи фаолиятига нуқта қўйиши мумкин

Россия антидопинг агентлиги раҳбари Юрий Ганус коронавирус инфекцияси спортчилар соғлиғига қанчалик таъсир этиши мумкинлиги ҳақида фикр билдириб ўтди.

“Ҳозир коронавирус инфекцияси спортчилар саломатлигига таъсири, эҳтиётсизлик қилинса, оқибатлари нақадар оғир бўлиши мумкинлиги долзарб мавзу бўлиб турибди. Спортчиларни эҳтиёт қилишимиз зарур.

Коронавирус – биринчи навбатда ўпкага зарба демакдир, спортчи учун ўпка – бу ҳамма нарса дегани. Биз билан бирга ишлаётган, бу вирус ва унинг атрофидаги ҳолатни ўрганаётган мутахассисларнинг дастлабки хулосаларига кўра, бу касаллик спортчи фаолиятига нуқта қўйиши ҳеч гап эмас.

Якуний жавобни тадқиқотлар якунлангач, айтиш мумкин бўлади. Албатта, кўп нарса касаллик қанчалик оғир формада ўтиши ёки акси бўлишига боғлиқ.

Ҳозир кўпчилик мени бўрттирмоқда, ошириб юборяпти дер, лекин мен ҳеч кимни қўрқитмоқчи эмасман. Шунчаки медицина соҳасидаги мутахассислар фикрини айтяпман, – деди Юрий Ганус.