Коронавирус А Серия грандларига қанча зарар етказди?

Туриннинг "Ювентус" клуби Италияда тарқалган коронавирус эпидемияси сабаб қанча маблағ йўқотгани маълум бўлди.

Football Italia нашрининг хабар беришича, “кекса синьора” А Серия клублари орасида энг кўп йўқотишга учраган. Италия футбол федерацияси 3 апрелга қадар бўлган ўйинларни мухлисларсиз ўтказиш бўйича қарор қабул қилган эди. Шундан сўнг 3 та уй ўйинини мухлисларсиз ўтказиши ойдинлашган “Ювентус” жами ҳисобда 12,3 млн евро даромадини бой берадиган бўлди.

Энг кўп зарар кўрган жамоалар тўртлигидан эса "Милан" (2,7 млн евро), "Интер" (2,7) ва "Рома" (2,3) клублари жой олишди.