Коронавирусдан даволанаётган Ўрунов “Спартак”ни танладими?

Россия оммавий ахборот воситалари “Уфа”нинг ўзбекистонлик легионери Остон Ўрунов ҳафта якунида Москванинг “Спартак” жамоасига кўчиб ўтиши ҳақида хабар тарқатмоқда.

Маълум бўлишича, аввалига ўзбек ярим ҳимоячиси трансферига 1 миллион евро таклиф қилган “Спартак” раҳбарияти энди икки миллион евро тўлашга қарор қилган. Куни кеча, ЦСКА Остон Ўрунов учун шунча маблағ таклиф қилганди ва бунинг оқибатида “Спартак” ҳам нархни кўтаришга мажбур бўлди.

“Спартак” бош директори Шамиль Газизов Остон Ўруновни “Уфа”га олиб келганини инобатга олиб, ҳамюртимиз учун курашда айнан шу жамоа имконияти юқори баҳоланмоқда.

Тарқатилаётган хабарларда айни пайтда Остон Ўрунов коронавирусдан даволанаётгани айтилмоқда. У прмьер-лиганинг сўнгги турида ўйинга тушмаган эди. 

 Ўруновнинг бозори қизиди. ЦСКА трансфер учун “Спартак”дан икки карра кўп пул тикмоқда