Коронавирусга чалинган "Барселона" собиқ дарвозабонининг аҳволи оғирлашди

Туркия терма жамоаси ва "Барселона" клубининг собиқ дарвозабони Рушту Речбер коронавирусга чалинганидан сўнг, ҳамон шифохонада қолмоқда.

Хабар қилинишича, ўтган кун мобайнида 46 ёшли туркнинг аҳволи кескин даражада ёмонлашган. Ҳозир унинг аҳволи оғир.

Аввалроқ, Речбернинг инфекция юқтириб олганида ҳақида унинг аёли Ишил маълум қилганди.

Маълумот учун, Речбер Туркия терма жамоаси сафида 120 та учрашув ўтказиб, мутлоқ рекордчига айланган. У "Бешиктош" клубида фаолиятига якун ясаган.