Коутиньо

"Барселона" клуби ярим ҳимоячиси Филиппе Коутиньо яна "Ливерпуль"га қайтмоқчи. Бу ҳақда Marca нашри хабар тарқатмоқда.

Юқоридаги манбага кўра, бразилиялик футболчи мерсисайдликлар сафига қайтиш учун маошининг камайишига ҳам рози. У бу ҳақда жамоа бош мураббийи Юрген Клоппга ҳам айтиб ўтган.

28 ёшли Коутиньо жорий мавсумни “Бавария” сафида ижарада ўтказди ва 32 та ўйинда иштирок этиб, ўз ҳисобига 9 та гол ҳамда 8 та голли узатма ёздириб қўйишга эришди. Унинг “Барселона” билан амалдаги шартномаси 2023 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)