Криштиану Роналду 5 йилдан кейин яна клуб миқёсида расмий соврин ютди

“Ан-Наср” Саудия Арабистони чемпионатининг сўнгги турида “Дамак”ни 4:1 ҳисобида мағлуб этиб, мамлакат чемпионига айланди.

Шу тариқа, Криштиану Роналду “Ан-Наср” сафидаги илк расмий совринини қўлга киритди. Аввалроқ жамоа 2023 йилда Араб клублари чемпионатида ғолиб бўлган эди, аммо ушбу мусобақа расмий турнир сифатида қабул қилинмайди.

Португалиялик юлдузнинг бундан аввалги клуб даражасидаги сўнгги соврини 2021 йилда “Ювентус” билан ютилган Италия Кубоги бўлганди.

Роналду терма жамоа сафида эса 2025 йилда Португалия билан Миллатлар лигасида ғолиб чиққан.