Криштиану Роналду Венгрияга қарши ўйиндан кейинги натижа ҳақида фикр билдирди

Португалия терма жамоаси Жаҳон чемпионати–2026 саралаш босқичида Венгрияга қарши баҳсда ғалабани қўлдан чиқарди — 2:2. Учрашувда Криштиану Роналду дубль қайд этди.

Шунга қарамай, 40 ёшли ҳужумчи мусобақадаги мақсадга яқинлашиб бораётганларини таъкидлади:

"Биз мақсадимизга тобора яқинлашяпмиз! Олға, Португалия!" — деб ёзди Роналду ижтимоий тармоқда.

Эслатиб ўтамиз, Роберто Мартинес бошқарувидаги Португалия терма жамоаси навбатдаги учрашувини 14 ҳамда 16 ноябрь кунлари Ирландия ва Арменияга қарши ўтказади.