"Кристал Пэлас" футболчилари АПЛ тарихида ноёб рекорд ўрнатишди

"Кристал Пэлас" Англия Премьер-лигаси тарихида ўз майдонида икки футболчиси қизил карточка олиб четлатилганига қарамай ғалаба қозонган биринчи жамоага айланди.

АПЛнинг 31-тури доирасидаги учрашувда лондонликлар ўз уйида "Брайтон"ни 2:1 ҳисобида мағлуб этди.

"Кристал Пэлас" сафида голларни Жан-Филипп Матета ва Даниель Муньос киритди. Меҳмонлар эса Данни Уелбекнинг аниқ зарбаси билан жавоб қайтарди.

Ўйинда қизил карточкалар кўп бўлди. 78-дақиқада майдон эгалари Эдвард Нкетиани иккинчи сариқ карточкадан кейин йўқотди, ўйиннинг сўнгида эса Марк Гуехи ҳам худди шундай ҳолатда четлатилди.

"Брайтон" сафида эса Ян-Пол ван Хеке қизил карточка билан жазоланиб майдонни тарк этди.

Бунгача АПЛ тарихида ҳеч бир клуб ўз уйида икки футболчиси четлатилган ҳолатда ғалаба қозонмаган эди.