Кроос: "Муаммо германиялик футболчиларнинг жисмоний ҳолатида эмас..."

Германия терма жамоасининг собиқ ярим ҳимоячиси Тони Кроос жамоанинг жаҳон чемпионатини тарк этиши ҳақида фикр билдирди.

Хабарингиз бор, немислар турнирдаги юришини гуруҳ босқичида тўхтатди. Япония, Испания ва Коста-Рика билан бир квартетдан жой олган Флик шогирдлари сўнгги тур натижаларига кўра учинчи ўринни эгаллашди.

"Германиянинг Жаҳон чемпионати гуруҳ босқичида кетма-кет иккинчи марта қолиб кетиши аламли ҳол. Менимча, муаммо футболчиларнинг жисмоний ҳолатида эмас, автоматизм ва барқарорликнинг йўқлигидан келиб чиқди", — дейди Кроос Magenta TV телеканалига берган интервьюсида.

Эслатиб ўтамиз, мавсум якунида Кроос "Реал" билан шартномасини якунлайди. Аввалроқ футболчи Евро-2020дан кейин халқаро фаолиятини якунлаганини маълум қилган эди.