Кроос: "Реал" раҳбарияти Бэйлнинг жаҳлини чиқарган эди

"Реал" ярим ҳимоячиси Тони Кроос жамоадоши Гарет Бэйл билан боғлиқ вазиятга изоҳ берди.

"Албатта, "Реал" Гаретни ҳозиргидек майдонга кам тушиши учун олиб келмаган.

Ўтган ёзда Бэйл кетишни хоҳлаган эди, клуб аввалига бунга розилик берди, бироқ якунда раҳбарият йўқ, деган жавобни айтди. Чигал вазият юзага келди. Балки у бундан ранжигандир, аниқ айтиб бўлмайди.

Жамоада барчаси жойида, Гаретни олти йилдан буён яхши биламан, у билан бирга кўплаб ғалабаларни қўлга киритдик", - дейди Кроос.