Куба ва ўзбекистонлик профессионал боксчилар ўртасида спарринг жанглар ўтказилди

  • 4 декабрь, 2019, 13:26
  • 0
  • Бокс

Хабарингиз бор, юртимизда кубалик профессионал боксчилар ўқув машғулот йиғинларини ўтказишмоқда. Маълум бўлишича, улар 15 декабрь куни Тошкентда ташкил этиладиган профессионал бокс кечасида навбатдаги рейтинг жангларини ҳам ўтказишар экан. Кеча, “Динамо” спорт мажмуасида, мураббийлар Набижон Исмонов, Зуфар Сулаймонов ҳамда Дилшод Абдураҳмоновлар бошчилигида Кубадан ташриф буюрган чармқўлқоп усталари ва ўзбекистонлик боксчилар ўртасида қўшма ўқув-машғулот йиғинлари билан бирга спарринг жанглар ўтказилди.

Мазкур спарринг жангларида кубалик Леонар Перес, Луис Баянолар билан бирга яқиндагина ҳаваскор боксда Ўзбекистон чемпионлигини қўлга киритган Шуҳрат Абдуллаев, Ҳамид Ҳакимовлар иштирок этишди.

Ўқув машғулот йиғинлари доирасида, анчагина машҳурликка эришиб бораётган Равшанбек Умурзақов, Достон Турдиев, Абдулазиз Нажмиддинов, Жавоҳир Фозиловлар ҳам навбатдаги жангларига ҳозирлик кўришмоқда.

Фикрлар

Саралаш
Фикр қолдириш учун авторизациядан ўтинг!