Кубаро Ҳакимова яна Жаҳон чемпионати шоҳсупасида!

Хабар берганимиздек, бугун Япониянинг Кобе шаҳрида пара енгил атлетика бўйича Жаҳон чемпионати бошланди.

Мусобақада биринчи бўлиб стартга чиққан ҳамюртимиз Кубаро Ҳакимова аёллар ўртасида F41 классида ядро улоқтириш бўйича 9.88 метр натижа билан кумуш медалга сазовор бўлди.

Эслатиб ўтамиз, Кубаро Ҳакимова 2023 йил Парижда бўлиб ўтган Жаҳон чемпионатида 9.83 метр натижа билан кумуш медаль ҳамда Париж-2024 ёзги Паралимпия ўйинларига лицензияни қўлга киритган эди.