Kubarsi: "Mbappe bir zumdagi tezkor harakati bilan barchasini o'zgartira oladi"

Ispaniya terma jamoasi himoyachisi Pau Kubarsi jahon chempionati-2026 yarim finali oldidan Frantsiya terma jamoasi yetakchisi Kilian Mbappe bilan bo‘ladigan duyel haqida fikr bildirdi

Uning ta’kidlashicha, u mashhur hujumchidan qo‘rqmaydi, biroq Mbappening o‘ziga xos mahoratini inkor etib bo‘lmaydi.

«Mbappe? Men qo‘rqmayman. Hech qanday qo‘rqov yo‘q. Lekin hamma uning qanday futbolchi ekanini biladi. U hatto o‘yinda uncha faol ko‘rinmasa ham, bir zumdagi tezkor harakati bilan barchasini o‘zgartira oladi. U betakror, xuddi Lamin Yamal kabi. Shuning uchun 90 daqiqa davomida hushyor bo‘lish kerak», — deya Kubarsining so‘zlarini keltiradi Diario AS.

Jahon chempionati-2026 yarim finalida Ispaniya va Frantsiya terma jamoalari o‘rtasidagi bellashuv 14 iyuldan 15 iyulga o‘tar kechasi bo‘lib o‘tadi. Uchrashuv AQShning Arlington shahrida joylashgan «AT&T Stadium» arenasida o‘tkaziladi.