Кубо топ-5 лигаларда гол урган энг ёш японияликка айланди

"Реал"нинг "Мальорка" клубида ижарада ўйнаётган футболчиси Такефусо Кубо Ла Лиганинг 13-туридан ўрин олган "Вальядолид" (3:1) га қарши баҳсда гол уришга эришди.

Беллашувнинг 53-дақиқасида Алейш Фебас томонидан узатилган тўпни япониялик футболчи рақиблар дарвозасига киритишни уддасидан чиқди.

Шундай қилиб, Кубо 18 ёшу 159 кунлигида топ-5 лигаларда гол урган урган энг ёш япониялик футболчига айланди.

Маълумот учун, Кубо Ла Лигаининг жорий мавсумида "Мальорка" сафида 10 та учрашув ўтказишни уддалади.