Куман: "Барселона" бундай йўл тутишига ишонмайман"

"Барселона"нинг собиқ бош мураббийи Рональд Куман "Бавария" ҳужумчиси Роберт Левандовскининг Каталония клубига ўтиши мумкинлиги ҳақида гапирди.

"Роберт — ажойиб футболчи ва тўпурар. У сўнгги йилларда топ даражадаги ҳужумчи эканлигини исботлади. Аммо Левандовскининг ёши ҳақида саволлар бор. У яна бир-икки йил юқори савияда ўйнай олишини тахмин қилиш қийин эмас. Шунинг учун "Барселона" Роберт учун 50-60 миллион евро тўлашига ишонмайман", — дея фикр билдиради Куман.

Эслатиб ўтамиз, Роберт Левандовски "Барселона"га ўтмоқчи, аммо каталонияликлар "Бавария" билан трансфер суммаси борасида ҳали келиша олмаяпти.