Куман "Барселона" мураббийлар штабига Хенрик Ларссонни таклиф қилди

Швециялик машҳур футболчи Хенрик Ларссон нидерландиялик мутахассис Рональд Куманнинг “Барселона”да бирга ишлаш бўйича берган таклифини қабул қилди.

AS нашри тарқатган хабарга кўра, 48 ёшли Ларссон “кўк-анор ранглилар” сафида ҳужумчилар мураббийи сифатида ишлайди.

Бундан ташқари, Куманнинг мураббийлар штабида “Хоффенхайм”дан истеъфога чиқарилган голландиялик мутахассис Алфред Схройдер ҳам фаолият олиб боради.

Хенрик Ларссон “Барселона” сафида 2004-2006 йилларда футболчи сифатида тўп сурган. Унинг сўнгги иш жойи эса, Швециянинг “Хельсингборг” клуби бўлган эди.