Куман "Барселона"да Россияда ўйнаётган футболчини кўришни хоҳлаяпти

ЦСКА хавбеки Никола Влашич "Барселона"нинг қизиқишлар доирасига кирди. Бу ҳақда 24 Hara хабар тарқатмоқда.

Юқоридаги манбага кўра, “кўк-анор ранглилар” 22 ёшли хорватиялик футболчини жорий ёзги трансферлар давридаёқ сотиб олмоқчи. Уни шахсан бош мураббий Рональд Куман таркибда кўрмоқчи. Москваликлар эса унинг трансферини 35 млн еврога баҳолашмоқда.

Влашич жорий мавсум ЦСКА сафида 4 та ўйинда майдонга тушди ва 3 та гол ҳамда 2 та голли узатмага муаллифлик қилди. Унинг клуб билан амалдаги шартномаси 2024 йилга қадар имзоланган.