Куман "Барселона"га "Сити" футболчисини олиб келмоқчи

"Манчестер Сити"нинг чап қанот ҳимоячиси Анхелиньо фаолиятини  "Барселона"да давом эттириши мумкин. Бу ҳақда The Athletic нашри хабар тарқатмоқда.

Юқоридаги манбага кўра, 23 ёшли испаниялик футболчини шахсан каталонияликлар янги бош мураббийи Рональд Куман ўз жамоасида кўришни хоҳламоқда. “Шаҳарликлар” эса унинг трансферини 30 млн еврога баҳоламоқда.

Анхелиньо ўтган мавсумнинг иккинчи ярмини "РБ Лейпциг" сафида ижарада ўтказди ва 18 та ўйинда майдонга тушиб, ўз ҳисобига 1 та гол ҳамда 5 та голли узатма ёздириб қўйди.